Link açıqlığı

Qırımda mayıs ortasında şeеrdeki avtobuslarda bilet fiyatı köterilecek, dep bildirdi Qırım avtomobil taşıyıcı Birligi prezidenti Nikolay Diskin.

Bu aqta «Komsomolskaya Pravda» yaza.

«Eger de evelden yürüv fiyatı 1 kilometr içün 22 kapik tölense, şimdi fiyatı 26 kapikke köterilecek. Yolcular içün bu pek emiyetli yükselüv degil, amma taşıyıcılar öyle de zararına çalışacaq», – dedi Diskin.

Neşirniñ qayd etkeni kibi, 1 kilometr içün fiyat yükselüvi 18% olsa bile, neticede ğaet yüksek fiyat olıp çıqa. Mesafege köre, bilet 5-10 grivnağa qadar köterilecek.

2014 senesiniñ soñuna Qırım taşıyıcıları fiyatlarnıñ köterüvi meselesini aydınlatıp, 1 kilometr içün fiyat 37 kapik olğanına israr etecekler, fiyat 50% artacaqtır.
XS
SM
MD
LG