Link açıqlığı

Ukraina buhranı İsveçre prezidenti, OBSE reisi Didier Burkhalterniñ Rusiye prezidenti Vladimir Putin ile bugünki körüşüvinde muzakereniñ esas mevzusı olacaq, dep haber ete Radіo Svoboda.

Ukraina meselesi boyunca muzakerelerniñ keçirilmesi içün mayıs 5 künü Almaniya kantsleri Angela Merkel Putin ile telefon vastasınen añlaştı.

Almaniya ve Rusiye yolbaşçılarınıñ subeti Donetsk vilâyetinde Rusiye tarafını alğan separatistler tarafından zapt etilgen OBSE memleketlerinden inspektorlarnıñ azat olunuvından soñ olıp keçti. Dört almannı, çeh, leh ve dannı separatistler başta «NATO casusı» olaraq adlay edi, soñra ise zapt etilgen çetel vatandaşları olarda musafirlikte olğanını ilân etken ediler. Arbiy mütehassıslarnıñ azat olunuvına Putiniñ elçisi Vladimir Lukin qoşuldı.

Bu afta AQŞ devlet kâtibi John Kerry ve Rusiye çetel işler naziri Sergey Lavrov Ukraina buhranınıñ toqtalmasında OBSEniñ rolü daa emiyetli olmaq kerekligini qayd ettiler.
XS
SM
MD
LG