Link açıqlığı

Saatnıñ esas haberi

Ukraina antına sadıq qalmağan milis hadimleri ve arbiylerge para bermeycek


Qırımda qalğan milis hadimlerine ve arbiy hızmetçilerine işten boşatılğanda berilgen para yardımını ödemeycekler.

Bu aqta Ukraina nazirler kabinetiniñ resmiy saytında bildirile.

Ukrainanıñ mütenasip qanunnı Yuqarı Şurası qabul etti. Qanun 2014 senesi mart 16 kününe vaqtınca işğal etilgen Qırım ve Aqyarda hızmet etmek içün qalğan Ukraina içki işler organlarınıñ hadimleri ve arbiy hızmetçilerine ait. İşbu qanunnı qabul etilmesinen devlet bücetinde bayağı masraflardan qurtulmağa çare olur, denile beyanatta.

Böyleliknen, «Para yardımınıñ ödenilmesi ile bağlı Ukraina bazı qanunlarına deñişmelerniñ kirsetüvi aqqında» Ukraina qanunı ile içki işler organlarınıñ hızmetinden boşatılğan insanlarğa para yardımınıñ ödenilmesi toqtatıla.

Hususan, «Arbiy hızmetten boşatılağan şahıslarnıñ pension teminlevi aqqında» Ukraina qanunnıñ 9-ncı maddesi: «Mezkür maddeniñ tesiri 2014 senesi mart 16 kününe Qırım Muhtar Cumhuriyetinde ve Aqyarda hızmet etken, öz işine Ukrainanıñ vaqtınca işğal etilgen toprağınıñ sıñırında devam etmege qarar almağan insanlarğa tiymey» degen 8-ncı qısım qoşuldı. Ukraina Prezidenti Memuriyetiniñ başı vazifesini eda etken Sergiy Paşınskıy qyad etti ki, böyle qararlar antına sadıq qalğan ve öz hızmetine qıtaviy Ukrainada devam etken uquq qorçalayıcılarğa ait degil eken, dep bildirile beyanatta.
XS
SM
MD
LG