Link açıqlığı

Ukrainağa vaqıtınca yaşamaq içün tahminen 8 biñ qırımlı keldi, dep bildirdi Nazirler kabinetinde brifing devamında Ukraina içtimaiy siyaset naziri Lüdmıla Denısova.

«Qırımdan vaqtınca yaşamaq içün insanlar kelmege devam eteler. Bugünde bugün, regionlardan kelgen malümatqa köre, olarnıñ sayısı 7723 insan oldı» – dedi Denisova.

Onıñ aytqanı kibi, köçip kelgenler içtimaiy siyaset nazirliginiñ organlarında qayd etildi. Söz tek grajdan ealisi aqqında kete, «arbiy hızmetçileri esapqa alınmay».

«Eñ çoq Kiyev şeerinde – 2111 insan. Amma bu tek qayd olunğanlar. Bilem ki, qayd etilmegen ve vaqıtınca bir de bir territoriyada bulunğanı aqta malümat kâğıtnı elde etmegenler de az degil. Amma biz olarğa da qol tutmaq azırmız», – dedi nazir.

Qırımnıñ işğali sebebinden Ukraina vilâyet vokzallarında Qırım qaçaqlarına informatsion yardımnı köstermek içün mahsus noqtalar açıldı.
XS
SM
MD
LG