Moskvadaki Bolotnaya meydanında Lujnetskiy köpründe «Siyasiy mahbüslerge azatlıq» sözlerinen banner asqan faaller yaqalandı.
OVD-İnfo saytınıñ malümatına köre, umumen 12 adam, şu cümleden İrina Kolmıkova, Tamara Tihonova, Yekaterina Maldon, Maksim Çekanov, Yelena Morozova, İldar Dadin yaqalandı. Fotomuhbir Andrey Zubets de yaqalandı.
Aktsiya Bolotnaya meydanında olıp keçken adise-vaqilarnıñ eki yıllığına bağışlandı. Aqşam muhalifet «Bolotnaya meydanınıñ işi» boyunca qabaatlanğan adamlarğa qol tutuv aktsiyasını ötkermege planlaştıra.
Akimiyet böyle bir aktsiya keçirilmeycegini bildirdi. Teşkilâtçılar yolbaşçılıq ile añlaşması kerekmegen «kezinti» keçirecek olalar.
Memurlar ve aktsiya iştirakçileri tedbir keçirilmesiniñ yeri boyunca añlaşıp olamadılar. Muhalifet yürüş ötkerip, Bolotnaya meydanında miting keçirecek edi.
Akimiyet yürüşni yasaq etti, miting içün Akademik Saharov caddesini teklif ettiler, çünki Bolotnaya meydanında Ğalebe Kününiñ arbiy paradınıñ repetitsiyası olacaq edi. Muhalifet arizanı keri qaytardı.
2012 senesi mayıs 6-da «Millionlar yürüşi» muhalifet yürüşi numayışçılar ve politsiya arasında yüz bergen çatışmanen yekünlendi. 400 ziyade insan yaqalandı. Akimiyet bunı «kütleviy qalabalıq» dep tanıy.
Nezaretçi ve uquq qorçalayıcılar «Bolotnaya meydanınıñ işi» siyasetnen bağlı olğanını aytalar. 28 adam mahküm etildi. Al-azırda, eki yıldan soñ, 11 adam mahküm etildi, daa 11 adam – afu etildi, altı kişi qararını bekley.
Siyasiy mahbüslerge qol tutuv aktsiyaları bugün Rusiyeniñ diger şeerlerinde de ötkerile.
OVD-İnfo saytınıñ malümatına köre, umumen 12 adam, şu cümleden İrina Kolmıkova, Tamara Tihonova, Yekaterina Maldon, Maksim Çekanov, Yelena Morozova, İldar Dadin yaqalandı. Fotomuhbir Andrey Zubets de yaqalandı.
Aktsiya Bolotnaya meydanında olıp keçken adise-vaqilarnıñ eki yıllığına bağışlandı. Aqşam muhalifet «Bolotnaya meydanınıñ işi» boyunca qabaatlanğan adamlarğa qol tutuv aktsiyasını ötkermege planlaştıra.
Akimiyet böyle bir aktsiya keçirilmeycegini bildirdi. Teşkilâtçılar yolbaşçılıq ile añlaşması kerekmegen «kezinti» keçirecek olalar.
Memurlar ve aktsiya iştirakçileri tedbir keçirilmesiniñ yeri boyunca añlaşıp olamadılar. Muhalifet yürüş ötkerip, Bolotnaya meydanında miting keçirecek edi.
Akimiyet yürüşni yasaq etti, miting içün Akademik Saharov caddesini teklif ettiler, çünki Bolotnaya meydanında Ğalebe Kününiñ arbiy paradınıñ repetitsiyası olacaq edi. Muhalifet arizanı keri qaytardı.
2012 senesi mayıs 6-da «Millionlar yürüşi» muhalifet yürüşi numayışçılar ve politsiya arasında yüz bergen çatışmanen yekünlendi. 400 ziyade insan yaqalandı. Akimiyet bunı «kütleviy qalabalıq» dep tanıy.
Nezaretçi ve uquq qorçalayıcılar «Bolotnaya meydanınıñ işi» siyasetnen bağlı olğanını aytalar. 28 adam mahküm etildi. Al-azırda, eki yıldan soñ, 11 adam mahküm etildi, daa 11 adam – afu etildi, altı kişi qararını bekley.
Siyasiy mahbüslerge qol tutuv aktsiyaları bugün Rusiyeniñ diger şeerlerinde de ötkerile.
