Rusiye Devlet dumasınıñ spikeri Sergey Narışkin Ukrainada «eali genotsidi» yüz bergenini ayta.
«Buyük mesülietnen bildirem: 21-inci asırda rus ve ukrain halqınıñ genotsidini köremiz», – dep ayttı Narışkin. O, Belgradda «Balkanskiy dialog» halqara forumında iştirak etti, dep haber ete Azatlıq Radiosı.
«İzvestiya» Rusiye gazetası salı künü, mayıs 6-da bergen malümatqa köre, Rusiye deputatları Gaagada Halqara cinaiy mahkemesinde Ukraina ukümetine qarşı dava açtırmaq içün vesiqalar toplay.
Rusiye memurlarını Odessa, Slavânsk ve Kramatorsktaki facialı adise-vaqialar açuvlandıra, olarnıñ fikirince, Ukrainanıñ şimdiki akimiyeti «vatandaşlarara cenk başlanması ve öz halqınıñ genotsidi içün» cevap bermeli.
AQŞ ve Avropa Birligi Ukrainada vaziyetni kerginleştirmek maqsadınen yapılğan Moskva areketlerinden sebep Rusiye memurları, şu cümleden Sergey Narışkinge qarşı cezalar kirsetti. Ukrainanıñ şarqiy regionlarında separatistlerniñ reberlerini de cezaladılar.
«Buyük mesülietnen bildirem: 21-inci asırda rus ve ukrain halqınıñ genotsidini köremiz», – dep ayttı Narışkin. O, Belgradda «Balkanskiy dialog» halqara forumında iştirak etti, dep haber ete Azatlıq Radiosı.
«İzvestiya» Rusiye gazetası salı künü, mayıs 6-da bergen malümatqa köre, Rusiye deputatları Gaagada Halqara cinaiy mahkemesinde Ukraina ukümetine qarşı dava açtırmaq içün vesiqalar toplay.
Rusiye memurlarını Odessa, Slavânsk ve Kramatorsktaki facialı adise-vaqialar açuvlandıra, olarnıñ fikirince, Ukrainanıñ şimdiki akimiyeti «vatandaşlarara cenk başlanması ve öz halqınıñ genotsidi içün» cevap bermeli.
AQŞ ve Avropa Birligi Ukrainada vaziyetni kerginleştirmek maqsadınen yapılğan Moskva areketlerinden sebep Rusiye memurları, şu cümleden Sergey Narışkinge qarşı cezalar kirsetti. Ukrainanıñ şarqiy regionlarında separatistlerniñ reberlerini de cezaladılar.
