Link açıqlığı

Saatnıñ esas haberi

Meclis işğal olunğan Qırım akimiyetine mayıs 18-de matem tedbirlerniñ keçirilmesinde öz yerini bermeycek


Qırımtatar Milliy Meclisiniñ reisi Refat Çubarovnıñ aytqanına köre, sürgünlikniñ 70 yıllığına bağışlanğan matem tedbirleri Qırım «akimiyetiniñ» yasaqlarına baqmadan, ananeviy şekilde keçirilecek.

Bunı o, salı künü, mayıs 6-da, bildirdi, dep haber ete Qırım.Aqiqat mühbiri.

«Esas diqqat eñ kütleviy sürette keçirilecek üç tedbirge ayırıldı. Mayıs 10-da sürgünlik qurbanlarını añma maqsadınen Çatırdağ seferi ötkerilecek. Mayısnıñ 17-de, aqşam – «Yüreginde çıraq yaq» aktsiyasını keçirmege planlaştıramız, mayıs 18-de ise – Aqmescitniñ merkeziy meydanında umumqırım mitingini keçirecekmiz», – dep qayd etti Çubarov.

Aynı vaqıtta, onıñ aytqanına köre, Qırımda yüz bergen vaziyetten sebep dünyanıñ çeşit köşelerinde yaşağan qırımtatar diasporalarınıñ temsilcileri mayıs 18-de Umumqırım matem mitingine kelip olamaycaqlar.

Qırım «prokurorı» Natalya Poklonskaya Qırımtatar Milliy Meclisiniñ reisini «ekstremizm faaliyetini yasaq etüv» aqqında tenbiyeledi ve aks alda qırımtatarlarnıñ temsil organını yoq etecegini bildirdi.
XS
SM
MD
LG