Link açıqlığı

Qırım musulmanları Diniy idaresine Bağçasarayda «Terciman» neşriyatında qırımtatar maarifçisi İsmail Gasprinskiy tarafından basıp çıqarılğan eski Quran berildi, dep haber ete QMDİ matbuat hızmeti.

Muqaddes kitapnıñ ters tarafında neşir sanı – 1899 senesi oktâbr 25-de (Hicriy taqvim boyunca 1317 senesi), «Bağçasarayda İsmail Gasprinskiyniñ «Terciman» gazetasınıñ neşriyatı tarafından neşir etildi» yazısı bar. Kitap 522 saifeden ibaret.

Qırım Müftiyatına Muqaddes kitapnı ediye etken şahıslar adlarını aytmamağa rica etip, kitap Birinci Cian cenki, İnqilâp, Ekinci Cian cenki, qırımtatar halqınıñ sürgünligi, diniy edebiyatnı yasaq etken sovet devrini keçti ve saiplerinen beraber 1990 ss. Vatan – Qırımğa qaytıp keldi. Quran eski olsa da, onıñ metinni oqumaq imkân bar.
XS
SM
MD
LG