Link açıqlığı

Ashtonnıñ mesleatçısı: Avropa Birligi Ukraina-AQŞ-AB-Rusiye formatında yañı körüşüvge azır


Avropa Birligi Jeneva añlaşmalarına riayet etmege talap etip, Ukraina buhranına Ukraina-AQŞ-AB-Rusiye formatında körüşüv faydalı olsa, onı keçirmege azır. Bunı AB tışqı siyaset ve havfsızlıq vekili Catherine Ashtonnıñ matbuat kâtibi – Mayya Kosyançiç bildirdi, dep haber ete Azatlıq Radiosı.

«Bizler buhrannı al etecek ve zorbalıqnı toqtatacaq er angi teşebbüske açıqmız. AB yuqarı vekili Vaşingtonda buluna, o, cuma künü Berlinde buhran al etilüv muzakerelerinde edi», – dep ayttı Kosyançiç .

Onıñ bildirgenine köre, AB Jeneva añlaşmalarına qol tuta ve olarğa riayet etilmesini talap ete.

Aprel 17-de Ukraina, AB, AQŞ ve Rusiye tış işler nazirleri Jenevada Ukrainadaki vaziyet boyunca añlaşmanı imzaladılar. Vesiqağa binaen, Ukraina şeerlerinde er bir qanunsız silâlı birleşmeleri dağıtılmaq kerek, zapt etilgen ev, soqaq, meydan ve cemaat yerleri boşatılmaq kerek.
XS
SM
MD
LG