Keçken raatlıq künleri qırımtatar halqınıñ lideri, Ukraina halq deputatı Mustafa Cemilev insan aqları boyunca Avropa mahkemesine şikâyet etmege planlaştıra.
Bunı o, Qırım.Aqiqat haber agentligine bildirdi.
Onıñ aytqanına köre, al-azırda Ukraina Baş prokuraturasında Qırım ve öz başına ilân etilgen Qırım akimiyetiniñ qanunsız areketinen oğraşqan ayrı strukturanıñ meydanğa ketirilüv meselesi muzakere etile.
«Qırım «akimiyetiniñ» areketleri qanunsız ve cinaiy kodeksi altında qaldı. Bizler qarar alıp, insan aqları boyunca Avropa mahkemesine muracaat etecekmiz. Eminim, bu iş muvafaqiyetli olacaq, çünki Rusiye uquqiy qanunları tanılmağan», – dep ayttı Cemilev.
Mayıs 3-de Cemilevni Qırımğa kirsetmediler. Onıñ semetdeşleri Aqmescit, Bağçasaray, Eski Qırım, Kezlev şeerleri civarında ve Qurman rayonınıñ Büyük-Onlar qasabasında yollarnı qapattılar.
Bundan soñra Qırım «prokurorı» Natalya Poklonskaya Meclis reisi Refat Çubarovnı «ekstremizm faaliyetini yasaq etüvi» aqqında tenbiyeledi ve, buña qulaq asılmasa, Meclis yoq etilecek ve onıñ faaliyeti yasaq etilecegini bildirdi.
Tünevin Qırım mahkemeleriniñ qararınen Cemilevni qarşılağan bazı adamlarnı Rusiye qanunları boyunca 10 biñ rublege qadar cezaladılar.
Bunı o, Qırım.Aqiqat haber agentligine bildirdi.
Onıñ aytqanına köre, al-azırda Ukraina Baş prokuraturasında Qırım ve öz başına ilân etilgen Qırım akimiyetiniñ qanunsız areketinen oğraşqan ayrı strukturanıñ meydanğa ketirilüv meselesi muzakere etile.
«Qırım «akimiyetiniñ» areketleri qanunsız ve cinaiy kodeksi altında qaldı. Bizler qarar alıp, insan aqları boyunca Avropa mahkemesine muracaat etecekmiz. Eminim, bu iş muvafaqiyetli olacaq, çünki Rusiye uquqiy qanunları tanılmağan», – dep ayttı Cemilev.
Mayıs 3-de Cemilevni Qırımğa kirsetmediler. Onıñ semetdeşleri Aqmescit, Bağçasaray, Eski Qırım, Kezlev şeerleri civarında ve Qurman rayonınıñ Büyük-Onlar qasabasında yollarnı qapattılar.
Bundan soñra Qırım «prokurorı» Natalya Poklonskaya Meclis reisi Refat Çubarovnı «ekstremizm faaliyetini yasaq etüvi» aqqında tenbiyeledi ve, buña qulaq asılmasa, Meclis yoq etilecek ve onıñ faaliyeti yasaq etilecegini bildirdi.
Tünevin Qırım mahkemeleriniñ qararınen Cemilevni qarşılağan bazı adamlarnı Rusiye qanunları boyunca 10 biñ rublege qadar cezaladılar.
