Çehiya Cumhuriyetiniñ prezidenti Miloş Zemannıñ fikirince, Ukrainada vatandaşlarara cenk başlanması havfı arttı.
«Odessadaki adise-vaqialardan soñ vatandaşlarara cenk kerçekke oşay», – dep ayttı matbuat konferentsiyasında Miloş Zeman, dep haber ete Azatlıq Radiosı. Konferentsiya Almaniya prezidenti Joachim Gaucknıñ Çehiya ziyareti munasebetinen keçirildi.
Çehiya lideri Gauck ile Ukrainadaki vaziyetni muzakere etip, vatandaşlar zıddiyeti «çetel kirişmesiniñ sebebi ola bile», dep ayttı.
Almaniya prezidenti Joachim Gauck Ukraina ile Rusiye muzakerelerni ötkereceklerine ümüt ete. O, OSCE yardımınen ukrain buhranınıñ al etilmesine qol tuttı.
Çehiya kütleviy haber vastalarınıñ malümatına köre, Miloş Zeman Ukraina akimiyeti ordunı nezaret etemi-yoqmı şübelene.
Zeman bir qaç kere añlaşılmağan fikirlerni seslendirgen edi. Aprel ortasında o, Ukrainada «bir cinayetçi ekinci cinayetçige qarşı cenkleşkenini» ayttı. Bundan evel Çehiya prezidenti «Qırım iç bir vaqıt Ukrainağa ait degil edi», dep bildirdi.
«Odessadaki adise-vaqialardan soñ vatandaşlarara cenk kerçekke oşay», – dep ayttı matbuat konferentsiyasında Miloş Zeman, dep haber ete Azatlıq Radiosı. Konferentsiya Almaniya prezidenti Joachim Gaucknıñ Çehiya ziyareti munasebetinen keçirildi.
Çehiya lideri Gauck ile Ukrainadaki vaziyetni muzakere etip, vatandaşlar zıddiyeti «çetel kirişmesiniñ sebebi ola bile», dep ayttı.
Almaniya prezidenti Joachim Gauck Ukraina ile Rusiye muzakerelerni ötkereceklerine ümüt ete. O, OSCE yardımınen ukrain buhranınıñ al etilmesine qol tuttı.
Çehiya kütleviy haber vastalarınıñ malümatına köre, Miloş Zeman Ukraina akimiyeti ordunı nezaret etemi-yoqmı şübelene.
Zeman bir qaç kere añlaşılmağan fikirlerni seslendirgen edi. Aprel ortasında o, Ukrainada «bir cinayetçi ekinci cinayetçige qarşı cenkleşkenini» ayttı. Bundan evel Çehiya prezidenti «Qırım iç bir vaqıt Ukrainağa ait degil edi», dep bildirdi.
