Link açıqlığı

5 yıl devamında Rusiye federal bücetinden Keriç boğazınıñ naqliye keçitine 200 mlrd ruble ayırıla bile. Yatırımlarnıñ böyle bir miqdarı «Qırım federal bölgesiniñ 2020 senesine qadar içtimaiy-iqtisadiy inkişafı» Federal maqsat programması köntseptsiya leyhasında qayd etildi.

Bunı İTAR-TASS bildire.

Vesiqağa binaen, «Avtodor» devlet şirketi 2015 senesinden başlap 2019 senesine qadar para ayırmağa planlaştırıla. 2015 ve 2016 seneleri – 30 mlrd ruble, 2017 senesi – 20 mlrd ruble, ve soñki eki yıl – altmışar mlrd ruble. Keriç keçitiniñ regional ve bücetten tış yatırımları köntseptsiya leyhasında yoq.

Keçit qurması – eki köpür/demir yol ve avtomobil/ – vesiqa leyhasında «geostrategik vazife» dep adlanğan.

Başından köpür leyhası 50 mlrd ruble, soñra ise 100 mlrd ruble olıp çıqtı. Birazdan iqtisadiy inkişaf Nazirliginde Keriç köprüne 155 mlrd ruble ayırılması mümkün olğanını bildirdiler.
XS
SM
MD
LG