Link açıqlığı

BMT Baş kâtibi Ban Ki-moon Ukrainadaki vaziyetni al etmek içün yardımcı olmağa azır.

Bunı o Abu-Dabi ziyareti çerçivesinde bildirdi, yaza Khaleej Times neşiri, dep haber ete «Ukrinform».

«Men bu meseleni meraqlanğan taraflar – Ukraina, Rusiye, AB ve AQŞ liderleri ile – muzakere ettim. Men bu dört tarafnı da vaziyetni barışıq yollarnen al etmege çağıram ve kerek olsa, özüm de bu işke issemni qoşmağa azırım», – dep ayttı Ban Ki-moon.

BMT Baş kâtibi «Ukrainada zorbalıq olğanına raatsız ve er bir tarafnı Jeneva añlaşmalarına riayet etmege çağıra».

«Men taraflarnı daa bir körüşüvni keçirilmege çağıram, bu añlaşma ne içün yerine ketirilmegenini baqmalımız, taraflar ne sebepten zorbalıqnen oğraşqanını ögrenmek kerekmiz», – bildirdi Ban Ki-moon.
XS
SM
MD
LG