Link açıqlığı

Ukraina devlet sıñır hızmeti memleketke ayırı insanlar içün kiriş yasaq olğanını bildirgen belgini kirsetti.

Bunı müessiseniñ matbuat hızmeti bildire.

Olğan malümatqa köre, böyle belgi «milliy havfsızlıqnıñ temini içün ve Ukraina territoriyasına radikal şahıslarnıñ kirsetilmemesi içün» işlep çıqarıldı.

«Bu belgi devlet sıñır qoruvı organınıñ vekâletli şahısınıñ qanuniy qararı ile Ukraina devletine kirişi yasaq olğan çetel vatandaşları ya da grajdanlığı olmağan şahıslarnıñ pasport ve diger vesiqalarında qoyula», – denile beyanatta.

Devlet sıñır hızmette böyle yañılıq Ukrainağa tekrar kirmege tırışqan, amma devlet sıñırdan keçmege musaadesi olmağan insanlarnı tez tanımaq içün imkân yaratacağına ümüt besleyder.
XS
SM
MD
LG