Link açıqlığı

Qırımda istiraat evlerniñ ve sanataroliylerniñ saipleri turist ve raatlanıcılarnı özleri celp etmek kerekler.

Bu aqta mayıs 5 künü, bazarertesi, iş toplaşuvda Qırımnıñ öz başına tayin etilgen kurort ve turizm boyunca naziri Andrey Filonov bildirdi. Bunı öz başına ilân etilgen Cumhuriyet «akimiyetiniñ» kurort ve turizm boyunca nazirliginiñ matbuat hızmeti haber ete.

Nazirniñ sözlerine binayen, Qırım «akimiyeti» ögünde ilk evelâ teşkil etilgen raatlanuvnıñ segmentini – sanatoriy ve istiraat evlerini toldurmaq vazifesi turmaqtadır. Şunıñ içün yolbaşçılar raatlıq mevsimine azırlıq körmek kerekler.

«İşiñiz siziñ faallik ve azırılıq seviyeñizge bağlıdır. Bir kimse kelip, sizni raatlanıcılar ile temin etecegini beklep oturmañız. Bunıñnen beraber, siziñ işiñizge 2015 senesiniñ raatlıq mevsimi bağlana. Akimiyette bu aqta ciddiy strategik planları bardır», – dep muracaat etti sanatoriy ve istiraat evleriniñ yolbaşçılarına Filonov.

O şunı da qayd etti ki, Qırım «akimiyeti» Rusiye Sberbankı ile bu mevsimde sanatoriy ve istiraat evleriniñ tolduruvı ile bağlı muzakerelerni keçire eken. «Sberbank» umumrusiye bala şifahenesi olacağı beklenilgen «Kezlevni idare etecektir».
XS
SM
MD
LG