Link açıqlığı

Çubarov: Qırımda qırımtatarlarnıñ zulumı başlandı


Qırımda işğal etici «akimiyet» tarafıdan qırımtatarlarnıñ taqibi sıqlaştı.

Bunı Aqmescitte brifing devamıda qırımtatar milliy Meclis reisi Refat Çubarov bildirdi, dep haber ete Qırım.Aqiqat mühbiri.

Onıñ aytqanı kibi, zulumlar qırımtatar halqınıñ lideri Mustafa Cemilevge Qırımğa kelmege yasaq etilmesine qarşı narazılıqnı bildirip, yol qapatuv numayşta iştirak etken insanlarğa nisbeten duyulmaqta.

Çubarov şunı da qayd etti ki, Rusiye qanunları Ukraina qanunlarından pek farq ete, şunıñ içün «mayıs 3 künü keçirilgen numayışnıñ iştirakçilerine nisbeten cinayi taqip olduqça ciddiy cezalavğa ketire bile».

«Bugün Qırımda numayışlarda iştirak ekten insanlarğa nisbeten olıp keçken mahkemelerniñ neticelerini elde ettim. Eki insan endi 10 biñ miqdarında para cezasına oğradı. Adiy insan içün bu olduqça büyük bir paradır», – qayd etti Meclis reisi.

Bundan da ğayrı, Çubarov yaqın vaqıtta cinaiy iş oña da nisbeten açılacağını ayttıp keçti.
«Bilgenime köre, bugün maña ve daa bir kimsege nisbeten cinaiy iş açılmaq kerek. Añlayım ki, al-azırda cezalav ve basım yönelişi üstün çıqa», – qayd etti o.
XS
SM
MD
LG