Link açıqlığı

Türkiyede Qırım işğali sebebinden Hıdırlezden vazgeçtiler


Türkiyede qırımtatar diaspora vekilleri bu sene adetiy baar merasimleri Hıdırlez ve Tepreçni qayd etmemege qarar aldı.

Bu aqta Azatlıq Radiosı efirinde Türkiyede Meclis vekili Zafer Karatay bildirdi.

«Rusiyeniñ Qırım işğali ve qırımtatar halqınıñ ayatında olğan bu ağır künleri sebebinden bayram tedbirlerini keçirmege doğru olmaz edi», – dep añlattı Karatay.

Onıñ aytqanına köre, tedbir yerine bu sene miting ve diger tınç numayışları keçirelecek.
Bu sene Hıdırlezniñ qayd etüvini Qırımda da lâğu ettiler. Başta merasimniñ qayd etüvini qırımtatar milliy Meclisiniñ ve Qırım «Rusiye akimiyetiniñ» vekilleri planlaştıra edi.

Amma neticede iç bir eglence olmadı. Qırımtatarlar bu künü Ermeni Bazarda öz yetekçisini Mustafa Cemilevni qarşılay edi. Amma onı yerli «akimiyet» öyle de Qırımğa kirsetmedi, memurlar ise tebdirni Odessa adiseleri sebebinden lâğu ettiler.
XS
SM
MD
LG