Link açıqlığı

Tasil keyfiyetine qıymet kesüv Qırım merkezini Hersonğa avuştıralar


Tasil keyfiyetine qıymet kesüv Qırım regional merkezini Hersonğa avuştıralar.

Bunı Ukraina ilim ve tasil naziri Sergiy Kvit Kiyevde matbuat konferentsiyada bildirdi, dep haber ete «İnterfaks-Ukraina».

«Tasil keyfiyetine qıymet kesüv Qırım regional merkezi artıq yoqtır, onıñ binasını zapt ettiler. Şunıñ içün regional merkezni Hersonğa avuştıramız», – dedi nazir.

Onıñ aytqanı kibi, Tasil nazirligi endi vilyaet yolbaşçılığı ve ocalar ile añlaştı.

«Anda destek ve bina bardır. Yaqın vaqıtları biz anda regional merkezimizni abadanlaştıracaqmız», – dedi Kvit.
XS
SM
MD
LG