Link açıqlığı

Rusiye ve Qırım «akimiyeti» medeniy asabalıq qoruvı boyunca vekâletlerni böldi


Qırım nazirler Şurası ve Aqyar devlet şeer memuriyeti Rusiye Federatsisınıñ medeniyet Nazirligi tarafından olarğa medeniy asabalıq qoruvı boyunca vekâletlerniñ berilgeni aqqında añlaşmanı imzaladı.

Rusiye medeniyet Nazirliginiñ matbuat hızmeti bergen malümatına köre, işbu anlaşmada Qırım ve Aqyarnıñ medeniyet asabalıq obyektleriniñ devlet qoruvı, qullanuvı ve saqlanuvı boyunca devlet nezaretiniñ keçirilmesi aqqında söz yürstetile.

Vesiqada, bundan da ğayrı, Qırım Cumhuriyeti ve Aqyarda yerleşken federal emiyetli medeniyet asabalığınıñ şahsiyleştirüv mecberiyetleri de yazılğandır.

Bunıñnen beraber mezkür vesiqada Qırım ve Aqyarnıñ federal emiyeti olğanı tarihiy-medeniy qorurlarınıñ sıñırları da belgilene.

Añlaşmanıñ metnini Rusiye Medeniyet nazirligi aşkâr etmey.
XS
SM
MD
LG