Link açıqlığı

Saatnıñ esas haberi

Meclis vekillerini içtimaiy ağlarda qorquzalar


Qırımtatar milliy Meclisi adliye idaresiniñ yolbaşçısı Teyfuk Gafarovğa belgisiz şahıslar İnternette qorquzuvlarnı yollaylar.

Bunı Gafarov öz Facebook saifesinde bildire.

«Men sizni doğrudan tenbiyeleyim, bu işke diger tatarlarnı bağlamañız, siz başqa kontoralarda keçinesiñiz, demek çım-çırt yaşañız, aramzadeler, Qırımda ekinci Maydan olmaycaq. P.S. Sen, advokat, öz başınen qurşunnı toqtata bilecegini tüşünmeyim, er keske bunı aytıp ber», – dep aytıla messacta.

«Gecelernen mına böyle acayip tileklerni alam, işte», – dep izaatlay Gafarov.

O, bu vaqia boyunca «Qırım Cumhuriyetiniñ prokuraturasına» ariza bermege niyetini de bildire.

Tünevin «Qırım prokurorı» Natalya Poklonskaya Meclis reisi Refat Çubarovğa «ekstremizm faaliyetiniñ musaadesizligi» aqqında tenbiyeni oqudı. Ve eger de o, buña riayet etmese, Meclis dağıtalacaq, onıñ faaliyeti ise yasaq olacağı aqqında bildirdi.
XS
SM
MD
LG