Link açıqlığı

Frenkistan çetel işler naziri: Eger de Ukrainada saylavlarğa keder etseler, AB cezalarnıñ 3-nci sevisini kirsetecek


Frenkistan çetel işler naziri Laurent Fabius eger de Ukrainada saylavlarğa keder etseler, AB cezalarnıñ 3-nci sevisini kirsetecegini ilân ete.

«Eger de emiyetli teraqqiyat olmasa, tek diplomatiya ve cеzalar içün yer qalacaq. Biz endi amelge keçirilgen cezalarnıñ 2 seviyesini qullandıq. Eger de mayıs 25 künü buhrandan yekâne çeziliş yolu olğan prezident saylavları keçirilmese, biz cezalarnıñ 3-nci sevisine keçecekmiz», – dedi Fabius frenk radionıñ efirinde.

Keçken aynıñ soñunda Avropa birligi Ukraina buhranında iştirak etken ve bu sebepten cezalarğa oğrağan 15 insannıñ cedvelini aşkâr etti. Aprel 29 künü peyda olğan cedvel, esapları qapatılğan ve AB territoriyasınа kirişi yasaq olğan şahıslarnıñ miqdarını 48-ge arttırdı.
XS
SM
MD
LG