Link açıqlığı

Ukraina Yuqarı Şurasında 2014 senesi mayıs 25 künü keçirilecek bütünukraina mesleat soravınıñ keçirilmesi aqqında qanun leyhası qayd etildi. Bu künü memlekette prezident saylavları belgilene.

Vesiqanı parlamentke Ukraina baş naziri Arseniy Yatsenük kirsetti. Qanun leyhasınıñ metini Yuqarı Şuranıñ saytında daa neşir etilmedi, dep haber ete Radio Svoboda.

Еvelden Kiyev mayıs 25 künü prezident saylavları ile referendumnıñ keçirilmesine azır olğanını bildirdi. Faqat prezident vazifelerini eda etici onı belgilep olamay. Bundan da ğayrı, Merkeziy saylav komissiyasınıñ malümatına köre, referendumnı azırlamaq içün mayıs 25 kününe qadar vaqıt pek az. Şunıñ içün Ukraina akimiyeti onı iyün 15-de keçirmege teklif ete.

Merkeziy saylav komissiyasınıñ reis muavini Andriy Mager qayd etti ki, milliy mesleat soravınıñ keçirilmesi içün böyle qattı qanuniy negiz lâzim degil.

Ukraina federalizatsiyası aqqında referendum – memleketniñ cenüp ve şarqında separatistlerniñ esas talabıdır. Öz başına ilân etilgen Donetsk halq cumhuriyeti öz «referendumını» mayıs 11 künü keçirmege planlaştıra.
XS
SM
MD
LG