Link açıqlığı

Rusiye devlet duması Qırımda federal mahkemelerni peyda etecek


Rusiye Federatsiyasınıñ prezidenti Vladimir Putin Devlet Dumasına Qırım ve Aqyarda mahkemelerniñ peyda oluvı aqqında qanun leyhasını kirsetti.

Bunı Kreml matbuat hızmeti bildire.

Mezkür qanun leyhası Qırımda Yuqarı ve Arbitraj mahkemeleri, 24 rayon ve şeer mahkemeleri, Aqyar Arbitraj mahkemesi, Aqyar şeer mahkemesi, Aqyar 4 rayon mahkemesi, Qırım ve Aqyar garnizon arbiy mahkemeleriniñ peyda etilüvi nazarda tutula.

Bunıñ ile Putin parlamentniñ aşağı palatasına 21-nci arbitraj apelâtsion mahkemesiniñ peyda oluvı aqqında qanun leyhasını da kirsetti. Bu mahkemede eki yañı subyektniñ arbitraj mahkemeleriniñ qararları baqılacaq. Yañı apelâtsion mahkemeni Şimaliy-Kavkaz bölüginiñ Arbitraj mahkemesi idare etecek.

Ayırıca Qırım ve Aqyar federal mahkemeleriniñ erkânlarına namzetlerniñ saylanuvı boyunca qanun leyhaları kirsetildi.

Bugün Aqmescit Merkeziy rayon mahkemesinde keçken raatlıq künleri qırımtatar halqınıñ lideri Mustafa Cemilevge Qırımğa kelmege yasaq etilmesine qarşı narazılıq aktsiyasınıñ iştirakçilerine nisbeten qararlar alındı. Olardan birisini 10 biñ ruble miqdarında para cezasına oğrattılar.
XS
SM
MD
LG