Link açıqlığı

Saatnıñ esas haberi

Bugün Cemilev Vatanğa ayaq basamağanı aqqında Kiyevde tarif etecek


Qırımtatarlarnıñ milliy yetekçisi, Ukraina halq deputatı Mustafa Cemilev bugün Kiyevde raatlıq künleri yüz bergen adiseler boyunca matbuat-konferentsiyasını keçirecek.

Halq deputatınıñ yardımcısı Liliya Müslimovanıñ sözlerine binayen, Cemilevniñ «Vatanğa kiriş musaadesiz olğanda. Qırım – «Rusiye demokratiyasınıñ» yañı meydanı» serlevalı matbuat konferentsiyası Kiyevde, ukrain buhran merkezinde saat 11:00 olacaqtır.

2014 senesi mayıs 3 künü Qırım Ukraina ile memuriy-territorial sıñırındaki Rusiye nezaret-kiriş noqtasında Mustafa Cemilevni Qırımğa kirsetmediler. Qırımtatar milliy Meclisiniñ malümatına köre, Ermeni Bazarğa milliy liderni qarşılamaq içün tahminen altı biñ insan keldi.

Neticede, Cemilev, eger de bütün qırımtatarlarnı Herson vilâyeti ile sıñırından yarımadağa kirsetseler, Kiyevge keri qaytacağını ilân etti.

Qırım «prokuraturası» Rusiye taqiqat komiteti ve Federal havfsızlıq hızmetine cinaiy taqip başlamaq içün eki qarar azırladı. Qırım «prokurorı» Natalya Poklonskaya qırımtatarlarnı «ekstremist tabiatlı qanunsız narazılıqlarda» qabaatladı.
XS
SM
MD
LG