Link açıqlığı

Rusiye Prezidenti Vladimir Putin ve Almaniya kantsleri Angela Merkel telefon vastası ile Ukrainadaki adiselerni muzakere ettiler. Kreml saytında olğan beyanatqa köre, Merkel «Donetsk vilâyetinde bir sıra memleketlerniñ arbiy nezaretçileriniñ azat olunuvında Rusiyeniñ yardımını alğışladı», dep bildire Radіo Svoboda.

«Vladimir Putin ve Angela Merkel Ukrainadaki kerginlikni azlaştırmaq içün effektiv halqara, ilk evelâ OBSE tarafından qararlarnıñ qabul etüvniñ müimligini qayd ettiler», – dep haber ettiler Rusiye prezident memuriyetinde. Bu sebepten mayıs 7 künü Moskvağa İsveçreniñ prezidenti, OBSE reisi Didier Burkhalter kelecek.

Almaniya kantsleriniñ matbuat hızmeti bu subetni daa izaatlamadı.

Keçken afta Washington körüşüvinde Angela Merkel ve AQŞ prezidenti Barak Obama Rusiyeni Ukrainağa qarşı etken areketlerinden sebep mesülietke çağırmağa isteginde bir fikirde olğanını bildirdiler.
XS
SM
MD
LG