Link açıqlığı

Saatnıñ esas haberi

Bugün Eurovision açıla. Qırımlılarnıñ reyleri Ukrainağa ait olacaq


Bugün Danmarknıñ paytahtı Københavnde Eurovision 2014 halqara yır yarışınıñ açılış tedbiri ötkerilecek.

TSN malümatına köre, iştirakçiler B & W Hallerne sanasında yarışlaşacaqlar. Sananıñ keñligi 35 metrni, yüksekligi ise 20 metrni teşkil ete. O, gemi şeklinde yapılğan ve oyuncılar ve çalğıcılarnıñ areketlerini aks ettirecek.

Yır yarışında 37 memleketniñ temsilcisi iştirak etecek. Bu sene «Eurovision» yarışınıñ şiarı — «Bizge qoşul» (JoinUs). Yarışnıñ yarımfinalı mayıs 6-da ve 8-de, final ise mayısnıñ 10-da ötkerilecek.

Ukrainanı yırcı Mariya Yaremçuk «Tick-Tock» yırınen temsil etecek. O, mayısnıñ 6-da birinci yarımfinalda iştirak etecek.

Qırımlılarnıñ reyleri ukrain reyleri olaraq sayılacaq, çünki Qırım ve Aqyarda +38 ukrain kodından vazgeçmediler.

Eurovision yarışınıñ baş supervayzeri Ola Sand sanat ve siyasetni bir-birinen qarıştırmamağa rica etti.
XS
SM
MD
LG