Rusiye akimiyetiniñ qırımtatar halqınıñ lideri Mustafa Cemilevge Qırımğa kelmesi yasağına qarşı narazılıq aktsiyasınıñ iştirakçileri mahkemege davetname alalar.
Qırım.Aqiqat haber agentligine (adını aytmamaq rica etken) tünevin Qırım paytahtında aktsiyada iştirak etken faallerden biri bildirdi ki, bugün Aqmescit «politsiyasınıñ» bölge inspektorı oña memuriy qanunnı bozuv aqqında protokol berdi.
Faalni tertip ve nizamnı bozuvda (qanunsız mitingde iştirak etüv) qabaatlaylar, onı 30 rubleden başlap 50 rublege qadar tölemege mecbur ete bileler.
Tünevin bu adam Aqmescitteki «Zapadnaya» avtostantsiyasınıñ yanında yol keçitinde yürip areketni blok etkenlerniñ arasında edi.
Bu areketlerni yerli «polis» hadimleri videoğa çıqarğanlar. Böyle etip, aktsiya iştirakçilerini bu videoğa esaslanıp belgilediler.
Bundan ğayrı, aynı davetnamelerni Bağçasaraydaki aktsiyanıñ iştirakçileri aldılar.
Mayıs 4-de aman-aman 100 nefer qırımtatarı Qırım paytahtından Aqyarğa ketken yolnı blok etip, qırımtatar halqınıñ lideri Mustafa Cemilevge Qırımğa kelmege yasaq etilmesine qarşı narazılıq aktsiyasını ötkerdiler.
Qırım «GİBDD» hadimleri bu yerge kelip, yolnı blok etmemege rica ettiler ve memuriy ceza aqqında tenbiyelediler.
Qırım.Aqiqat haber agentligine (adını aytmamaq rica etken) tünevin Qırım paytahtında aktsiyada iştirak etken faallerden biri bildirdi ki, bugün Aqmescit «politsiyasınıñ» bölge inspektorı oña memuriy qanunnı bozuv aqqında protokol berdi.
Faalni tertip ve nizamnı bozuvda (qanunsız mitingde iştirak etüv) qabaatlaylar, onı 30 rubleden başlap 50 rublege qadar tölemege mecbur ete bileler.
Tünevin bu adam Aqmescitteki «Zapadnaya» avtostantsiyasınıñ yanında yol keçitinde yürip areketni blok etkenlerniñ arasında edi.
Bu areketlerni yerli «polis» hadimleri videoğa çıqarğanlar. Böyle etip, aktsiya iştirakçilerini bu videoğa esaslanıp belgilediler.
Bundan ğayrı, aynı davetnamelerni Bağçasaraydaki aktsiyanıñ iştirakçileri aldılar.
Mayıs 4-de aman-aman 100 nefer qırımtatarı Qırım paytahtından Aqyarğa ketken yolnı blok etip, qırımtatar halqınıñ lideri Mustafa Cemilevge Qırımğa kelmege yasaq etilmesine qarşı narazılıq aktsiyasını ötkerdiler.
Qırım «GİBDD» hadimleri bu yerge kelip, yolnı blok etmemege rica ettiler ve memuriy ceza aqqında tenbiyelediler.
