Link açıqlığı

Lehistan baş naziri Rusiye ile Ukraina arasında cenk olğanını ilân etti


Rusiye Ukraina ile cenkleşe.

Bunı Odessa adiselerini izaatlap, Lehistan baş naziri Donald Tusk ayttı, dep haber ete Radio Svoboda.

Donald Tusk aytqanına köre, Rusiyeniñ Ukrainağa nisbeten etken istilâsını toqtatmaq içün ğarp memleketlerniñ diplomatik areketleri istenilgen neticelerge ketirmedi.

«Cenktir. İlân etilmegen cenk olsa da, biz episi bir bugün aqiqiy bir cenkniñ şaatları olamız», – dedi Lehistan ükümetiniñ yolbaşçısı.

«Qurbanlarnıñ sayısı onluq etse, silâ qullanılsa, vertolötlar urılsa, o vaqıt biz narazılar tarafından teşkil etilgen silâlı çatışma ile degil de, devlet, mında – Rusiye ile iş körgenimizni añlaymız», – dedi Tusk.

Mayıs 2 künü Odessada silâlı separatistler ve Ukraina tarafdarları olğan aktivistler arasında çatışma yüz berdi. Neticede 40 insan elâk oldı.
XS
SM
MD
LG