Ukraina ükümeti Rusiyeniñ qırımtatarlarğa nisbeten kirsetken yasaqlarınıñ deral lâğu etilmesini talap ete.
Bu malümat ükümetniñ beyanatında berile.
«Ukraina ükümeti Qırımğa qırımtatar halqınıñ yetekçisi Mustafa Cemilevge kirişni yasaq etken işğalcı memuriyetiniñ areketlerinden öz çorlanuvını bildire. Nice yıllar devamında öz halqınıñ aqqı içün küreşken insanğa tuvğan Vatanına kirmege keder etken Rusiye tarafı kene de halqara printsiplerni yerge taptap, halqlarnıñ özüni belgilev aqqınıñ amelge keçirilmesi ile bağlı «qasevetini» açıqça bütün dünyağa kösterdi», – dep aytıla beyanatta.
Ükümette şunı da qayd eteler ki, biñlerce insannıñ ölümine ketirgen qırımtatarlarnıñ sürgünliginiñ 70 yıllığı arfesinde böyle areket daa da çirkin körüne.
«Ukraina ükümeti Sovet lagerleriniñ çoq yıllıq mabüsi, Sovet Sotsialistik Cumhuriyetler Birliginde insan aqqları oğrunda areketiniñ temelini qoyğan insanğa qarşı etilgen bu areketlerni Stalin cezalav ameliyatınıñ ve halqlarnıñ zulumı, milliy ayırım siyasetiniñ yañıdan tiklenüvi kibi tanıy», – dep iddia eteler Nazirler kabinetinde.
Ukraina ükümeti Rusiyeniñ qırımtatarlarğa nisbeten kirsetken yasaqlarınıñ deral lâğu etilmesini de talap ete. Bugün Ermeni Bazar kiriş noqtasınıñ devamlı blok etilmesinden soñ qırımtatarlarnıñ yetekçisi Mustafa Cemilev Qırımğa episi bir kirip olamadı.
Bu malümat ükümetniñ beyanatında berile.
«Ukraina ükümeti Qırımğa qırımtatar halqınıñ yetekçisi Mustafa Cemilevge kirişni yasaq etken işğalcı memuriyetiniñ areketlerinden öz çorlanuvını bildire. Nice yıllar devamında öz halqınıñ aqqı içün küreşken insanğa tuvğan Vatanına kirmege keder etken Rusiye tarafı kene de halqara printsiplerni yerge taptap, halqlarnıñ özüni belgilev aqqınıñ amelge keçirilmesi ile bağlı «qasevetini» açıqça bütün dünyağa kösterdi», – dep aytıla beyanatta.
Ükümette şunı da qayd eteler ki, biñlerce insannıñ ölümine ketirgen qırımtatarlarnıñ sürgünliginiñ 70 yıllığı arfesinde böyle areket daa da çirkin körüne.
«Ukraina ükümeti Sovet lagerleriniñ çoq yıllıq mabüsi, Sovet Sotsialistik Cumhuriyetler Birliginde insan aqqları oğrunda areketiniñ temelini qoyğan insanğa qarşı etilgen bu areketlerni Stalin cezalav ameliyatınıñ ve halqlarnıñ zulumı, milliy ayırım siyasetiniñ yañıdan tiklenüvi kibi tanıy», – dep iddia eteler Nazirler kabinetinde.
Ukraina ükümeti Rusiyeniñ qırımtatarlarğa nisbeten kirsetken yasaqlarınıñ deral lâğu etilmesini de talap ete. Bugün Ermeni Bazar kiriş noqtasınıñ devamlı blok etilmesinden soñ qırımtatarlarnıñ yetekçisi Mustafa Cemilev Qırımğa episi bir kirip olamadı.
