Link açıqlığı

Bugün tahminen 100 nefer qırımtatarı Qırım paytahtından Aqyarğa ketken yolnı blok etip, qırımtatar halqınıñ lideri Mustafa Cemilevge Qırımğa kelmege yasaq etilmesine qarşı narazılıq aktsiyasını ötkerdiler.

Qırım.Aqiqat mühbiriniñ malümatına köre, adamlar Aqmescitteki «Zapadnaya» avtomobil stantsiyası yanında toplaştılar. Olar yarım saat devamında yol keçitinde yürip, areketni blok ettiler.

Qırım «GİBDD» hadimleri bu yerge kelip, yolnı blok etmemege rica ettiler ve memuriy ceza aqqında tenbiyelediler.

Bundan soñra faaller yol kenarına çekildiler. Olarnıñ qollarında qırımtatar milliy bayraqları ve Ukraina devlet bayraqları bar edi.

Olarğa Mustafa Cemilev Kiyevge qaytqanını bildirdiler. Onıñ içün olarnıñ faalligi eksildi.

Al-azırda bu yolda areketni Qırım GİBDD hadimleri nezaret ete.
XS
SM
MD
LG