Qırımda aktivistler qırımtatar milliy Meclisiniñ qararı ile Hıdırlez bayramına azırlanğan meydançıqnı bozıp alalar.
Qırım.Aqiqat mühbiri bergen malümatına köre, sana donatmasını bozıp, alıp keteler.
Bugün malüm olğanı kibi, qırımtatar milliy Meclisi keçirilmesi mayıs 3 kününe planlaştırılğan Hıdırlez bayramını lâğu etti.
Bu qarar Aqmescitte Meclisniñ nevbetten tış toplaşuvında alındı. Onıñ sebebi – qırımtatar halqınıñ yetekçisi, Ukraina halq deputatı Mustafa Cemilev ile yüz bergen ziddiyettir. Hatırlatamız, oña bugün Moskva avalimanından Qırımğa yol bermediler. Mustafa Cemilev qayd etüvden keçip olamağan soñ Kiyevge qaytmağa mecbur oldı.
Bunıñnen beraber, yarın Meclis vekilleri öz liderini qarşılamaq içün Ermeni Bazar sıñır noqtasına baracaq olalar.
Aynı şu zamanda öz başına tayinlengen Qırım «akimiyetiniñ» temsilcileri Hıdırlezni Rusiye musafirleri ile qayd etmege niyetleneler. Olarnıñ arasında Tatarstan Cumhuriyetiniñ yolbaşçılığı da bar.
Hıdırlez qırımtatar halqınıñ eñ esas baar bayramı olaraq tanıla. O quralay ayınıñ birinci aftasınıñ cuma künü qayd etile ve saçuv mevsiminiñ başlanmasını belgiley.
Qırım.Aqiqat mühbiri bergen malümatına köre, sana donatmasını bozıp, alıp keteler.
Bugün malüm olğanı kibi, qırımtatar milliy Meclisi keçirilmesi mayıs 3 kününe planlaştırılğan Hıdırlez bayramını lâğu etti.
Bu qarar Aqmescitte Meclisniñ nevbetten tış toplaşuvında alındı. Onıñ sebebi – qırımtatar halqınıñ yetekçisi, Ukraina halq deputatı Mustafa Cemilev ile yüz bergen ziddiyettir. Hatırlatamız, oña bugün Moskva avalimanından Qırımğa yol bermediler. Mustafa Cemilev qayd etüvden keçip olamağan soñ Kiyevge qaytmağa mecbur oldı.
Bunıñnen beraber, yarın Meclis vekilleri öz liderini qarşılamaq içün Ermeni Bazar sıñır noqtasına baracaq olalar.
Aynı şu zamanda öz başına tayinlengen Qırım «akimiyetiniñ» temsilcileri Hıdırlezni Rusiye musafirleri ile qayd etmege niyetleneler. Olarnıñ arasında Tatarstan Cumhuriyetiniñ yolbaşçılığı da bar.
Hıdırlez qırımtatar halqınıñ eñ esas baar bayramı olaraq tanıla. O quralay ayınıñ birinci aftasınıñ cuma künü qayd etile ve saçuv mevsiminiñ başlanmasını belgiley.
