Link açıqlığı

Rusiyeni Ukraina sebebinden mesülietke çekmek isteginde Almaniya Federativ Cumhuriyeti AQŞ ile bir fikirdeler


Almaniya Federativ Cumhuriyeti ve AQŞ liderleri Rusiyeni Ukraina sebebinden mesülietke çekmek isteginde bir fikirde olğanlarını ve Ukrainağa destekni, şu cümleden maliyeviy yardımını da köstermege azır olğanlarını bildirdiler.

«Biz Ukraina destegimizde, bu afta alınğan Halqara para fondınıñ programası ile bağlı meselede de aynı bir fikirdemiz», – dedi AQŞ prezidenti Barak Obama. O, 17 milliard dollar miqdarında olğan eki yıllıq programmanı nazarda tuta. Böyle ilân ile amerikalı lideri AQŞ paytahtında iş ziyareti ile bulunğan Almaniya Federativ Cumhuriyetiniñ kantsleri Angela Merkel ile körüşüvinden soñ çıqışta bulundı.

Onıñ sözlerine köre, Rusiye Ukraina şarqındaki vaziyetini sanki Rusiye tarafdarlarınıñ apansızdan olğan isyanı kibi köstermege tırışa eken. Aqiqatta ise, AQŞ prezidentiniñ aytqanı kibi, eki ukrain vertolötnı urğan «yer-ava» raketalarnıñ qullanuvı bu sözlerniñ yañlış olğanını köstere.

«Ukraina quvetleri Ukraina şarqında nizamnıñ tiklenmesinde ne qadar ögge ketse, o derecede dünyada Rusiye tarafından desteklengen gruppalar sakin narazılar olmağanını añlaylar. Olar Rusiyeden müim destekni körgen silâlı boyeviklerdir. Ukraina akimiyetinde öz toprağında qanun ve nizamnı saqlamaq içün aqqı bar, Rusiye ise, öz nevbetinde, işbu arbiyleşken taqımlarnı silâsızlandırmaq kerektir» – dedi AQŞ prezidenti.

«Biz Ukraina şarqında tutıp alınğan OBSE nezaretçilerine nisbeten kösterilgen munasebet sebebinden de açuvlımız. Boyevikler alâ daa 7 nezaretçini esirde tuta, olarnıñ arasında 4 alman ve olarnıñ ukrain yardımcıları bardır. Olarnı matbuat vastalarnıñ temsilcilerine kösterip, nişan altında bildirme yapmağa mecbur ettiler. Ayıp ve bağışlanmaz arekettir», – qayd etti Amerika lideri.
XS
SM
MD
LG