Rusiye Kiyev akimiyetiniñ Ukraina cenübiy-şarqında etilgen areketleri sebebinden BMT havfsızlıq şurasınıñ acele toplaşuvını çağıra.
Bunı Rusiyeniñ BMT-de daimiy temsilciligine esaslanıp, İTAR-TASS bildire. Körüşüvniñ keçirilecegi mayıs 2-de aqşam beklenile.
Bugün saba ukrain havfsızlıq quvetleri Donetsk vilâyetiniñ Slavânsk şeerinde Rusiye tarafdarlarınıñ silâlı bölüklerine qarşı mahsus ameliyatnı başladı. Ukraina içki işler nazirligi bergen malümatına köre, separatistler Mi-24 eki arbiy vеrtolötqa ateş atqanından eki arbiy hızmetçi elâk oldı, daa bir qaçı yaralandı. Kiyevde ateş neticesinde Mi-8 vertolötnıñ bozuluvı aqqında da aytalar.
Rusiye tarafdarı, Slavânsk «halq şeer başı» Vâçeslav Ponomarev 5 insannıñ vefat etkeni aqqında haber ete. Slavânskta şeer butünley separatistlerden temizlengeni aqqında ukrain silâlı quvetleriniñ ilânını red eteler. Böyle ilân ile evelleri Ukraina milliy gvardiyaniñ komandanı Stepan Poltorak çıqışta bulundı.
Rusiye prezidentiniñ matbuat-kâtibi Dmitriy Peskov Slavânsktaki adiselerni izaatlap, «Kiyev rejimi tınç yerli ealige arbiy aviatsiyadan ateş açmağa başlağanını, öz cezaları ile Jeneva añlaşmalarınıñ bozğanını» aytıp keçti. Peskov yaqında Slavânskqa RF prezidentiniñ mahsus temsilcisi ketkenini ve al-azırda onıñnen bağ qurıp olamağanını da qayd etti.
AB tışqı siyasiy müessise başı Catherine Ashtonnıñ matbuat-kâtibi Mayya Kosyançiç bugün Brüsselde AB Ukraina vaziyetini qasevet ile nezaret etkenini bildirdi. O, AB Rusiye tarafdarlarını Ukraina şarqında zapt etilgen binalarnı ve tutıp alınğan insanlarnıñ azat etilüvine çağırğanını qayd etti.
Bunı Rusiyeniñ BMT-de daimiy temsilciligine esaslanıp, İTAR-TASS bildire. Körüşüvniñ keçirilecegi mayıs 2-de aqşam beklenile.
Bugün saba ukrain havfsızlıq quvetleri Donetsk vilâyetiniñ Slavânsk şeerinde Rusiye tarafdarlarınıñ silâlı bölüklerine qarşı mahsus ameliyatnı başladı. Ukraina içki işler nazirligi bergen malümatına köre, separatistler Mi-24 eki arbiy vеrtolötqa ateş atqanından eki arbiy hızmetçi elâk oldı, daa bir qaçı yaralandı. Kiyevde ateş neticesinde Mi-8 vertolötnıñ bozuluvı aqqında da aytalar.
Rusiye tarafdarı, Slavânsk «halq şeer başı» Vâçeslav Ponomarev 5 insannıñ vefat etkeni aqqında haber ete. Slavânskta şeer butünley separatistlerden temizlengeni aqqında ukrain silâlı quvetleriniñ ilânını red eteler. Böyle ilân ile evelleri Ukraina milliy gvardiyaniñ komandanı Stepan Poltorak çıqışta bulundı.
Rusiye prezidentiniñ matbuat-kâtibi Dmitriy Peskov Slavânsktaki adiselerni izaatlap, «Kiyev rejimi tınç yerli ealige arbiy aviatsiyadan ateş açmağa başlağanını, öz cezaları ile Jeneva añlaşmalarınıñ bozğanını» aytıp keçti. Peskov yaqında Slavânskqa RF prezidentiniñ mahsus temsilcisi ketkenini ve al-azırda onıñnen bağ qurıp olamağanını da qayd etti.
AB tışqı siyasiy müessise başı Catherine Ashtonnıñ matbuat-kâtibi Mayya Kosyançiç bugün Brüsselde AB Ukraina vaziyetini qasevet ile nezaret etkenini bildirdi. O, AB Rusiye tarafdarlarını Ukraina şarqında zapt etilgen binalarnı ve tutıp alınğan insanlarnıñ azat etilüvine çağırğanını qayd etti.
