Link açıqlığı

Qırımnıñ öz başına tayinlengen «baş naziri» Sergey Aksönov Qırım sakinlerine Ukraina ve Avropada natsizmniñ peyda oluvı sebebinden birleşmek kerek olğanını tüşüne.

Bunı o bugün Aqmescitte partizan mayovkanı açqanda bildirdi, dep haber ete Nazirler şurasınıñ matbuat hızmeti.

«Bugün Avropa ve Ukrainada natsizm ve ksenofobiya tarafdarları olğan siyasiy küçleri peyda olğanda, Qırım toplulığına grajdanlıq birleşüvi kerektir. Biz yañı nesilge tarihiy hazinemizni bermelimiz, memorial abidelerni, partizan ve mabüslerniñ mezarlarını saqlamaq kerekmiz, Vatanımıznıñ serbestligini qorçalağan insanlarnı unutmamalımız», − dedi Aksenov.

Malüm olğanı kibi, evellri işğal etilgen Qırımnıñ memurları natsizmde tek Ukrainanı ve onıñ akimiyetini qabaatlay edi. Avropanı ise ya da añmay, ya da natsizmniñ «yardımcısı» olaraq aña ediler.
XS
SM
MD
LG