Link açıqlığı

Saatnıñ esas haberi

Meclis matbuat kâtibi Qırımnı terk ete


Qırımtatar milliy Mecliste 10 yıl devamında matbuat kâtibi vazifelerini eda etken Liliya Muslimova öz vekâletlerinden vazgeçe. Bunı Qırım.Aqiqatqa Liliya Muslimovanıñ özü bildire.

«Eki yıl devamında men Qırımda olmaycam, demek Meclisniñ matbuat-hızmetiniñ başı vazifelerini de eda etemem», − dep bildire Lilâ Muslimova zenaatdaş-jurnalistlerge yazılğan mektübinde.

O, onıñ ketüvi ile bağlı öşek ve zanlarğa qulaq asmamaq çağırdı ve öz zenaatdaşlarına destek ve añlav içün teşekkürlerini bildirdi.

«İnanam ki, yaqın vaqıtta körüşirmiz, er keske ahlâqiy memnüniyet, ilham, sağlıq ve barışıq tileyim! – dep yazdı o. – Unutmañız, insaniy munasebetler ve siyaset – qarama-qarşı añlamlardır, hususan Qırımda!»

Lilâ Muslimova Qırım.Aqiqatqa tasil almaq içün çetelge ketkenini bildirdi. Onıñ aytqanı kibi, o, bedava tasil içün grantnı çoqtan qazandı ve öz ketüvini evelden planlaştıra edi. Muslimova oquvdan soñ Qırımğa qaytmağa niyetini bildirdi.
XS
SM
MD
LG