Link açıqlığı

Saatnıñ esas haberi

Turçinov SNBO informatsion ve energetik havfsızlıq aqqında qararını amelge keçire


Yuqarı Şurasınıñ reisi, prezident vazifelerini eda etken Оleksandr Turçınov cumaaqşamı künü Milliy havfsızılq ve mudaafa Şurasınıñ informatsion ve energetik havfsızlıq aqqında qararını amelge keçirgen eki emirni imzaladı.

Birincisinde bir çoq tebdir arasında akimiyetke çetel devletlerniñ informatsion istilâğa qarşılığı boyunca Ukraina qanunlarına deñişmelerniñ kirsetüvi aqqında qanun leyhalarnı baqıp, Yuqarı Şurağa bermek avalesi bar.
Bu vesiqalar menfiy informatsion ruhiy tesirge muqavemet mehanizmni belgilemege yardım etmeli, şu cümleden televizion kanallarnıñ retranslâtsiya yasaq olunuvına ve çetel matbuat vastaları içün haber etüv tertibatınıñ kirsetilüvine ve silâlı zıddiyet, terroristik areketler olğan yerlerde çalışqan jurnalistlerniñ havsızlığını temin etüvine yol bermeli.

Akimiyetniñ vazifelerinden daa birisi – misal içün mütenasip media-holdingni meydanğa ketirip, keyfiyetli informatsion mahsulnıñ peyda oluv yolunen Ukraina siyasiy-içtimaiy vaziyeti aqqında dünyada aqiqiy malümatnıñ tarqatılmasını temin etmek.

Daa bir emir şunı nazarda tuta ki, Energetik ve kömür sanayi nazirligi «Naftogaz Ukrainı» Milliy isse senetli şirketi ile deral Rusiye tarafını 2014 senesi Rusiye tabiy gazınıñ temini aqqında haber etmeli. Onıñ fiyatı bu sene fevral-mart ayları olğan kibi qalmaq kerek. Eger de Rusiye tarafı buña razı olmasa, olar bi ay devamında halqara ticariy arbitrajğa mütenasip davanı açmaq kerekler.
XS
SM
MD
LG