Link açıqlığı

Saatnıñ esas haberi

Moskva ve Peterburgda Ukraina akimiyetine qol tutuv numayışları keçti


Aktivistler cumaaqşamı künü Moskva ve Peterburgda Ukraina akimiyetine qol tutuv ve Rusiye tarafınıñ bu memlekette etilgen areketlerine qarşı numayışlarnı keçirdiler.

«Grani.ru» bergen malümatına köre, Moskva merkezinde aktivistler Ukraina bayrağı süretinde olğan banner ile yürüşni keçirdiler. 7 insan Merkeziy telegraf rayonında Tverskaya soqağına çıqıp banner ile Kreml tarafına yol aldı. Ketkende Ukraina gimnini icra ete ediler. İştirakçilerden birisi «İmperiyanı östürmege ve İttifaqnı ğayrıdan tiklemek yeter» degen metn ile beyannamelerni tarqata edi.

4 aktivist yaqalandı – Yekaterina Maldon, İldar Dadin, Maksim Çekanov ve Mihail Udimov. Episini «Tverskoye» içki işler organına alıp ketirdiler. Bölükten aktivistler 3,5 saatten soñ çıqtı. Olarğa bir de bir qabaat yüklendimi, yoqmı belli degil.

Peterburgda keçirilgen bu kibi numayışta iştirak etken insanlarnıñ sayısı malüm degil.
XS
SM
MD
LG