Link açıqlığı

«Ükümet mayıs 25 künü olacaq umummilliy sorav boyunca qanunnı azırlap, parlamentke yollaycaq. Umummilliy sorav bugün Ukrainanı qasevetletken sualler boyunca keçirilecek – birlik meselesi, devletniñ topraq bütünligi ve akimiyetniñ merekezleştirmemesi ile bağlı sualler», – dedi Ukraina baş naziri Arseniy Yatsenük, dep bildire İnterfaks-Ukraina.
Agentliginiñ bergen malümatına köre, A.Yatsenük Nazirler şurası regional islâat ve akimiyetniñ merekezleştirmemesi ile bağlı öz noqtaiy nazarını belgiledi.

«Baş nazir muavini Volodımır Groysmanğa Anayasa deñişmeleri, akimiyetniñ merekezleştirmemesi ve regionlarğa qoşma vekâlet berüvi ile bağlı meselelerniñ er bir şeer, rayonda, vilâyete muzakeresini teşkil etmege rica etem», - dep avale etti o.
Baş nazir bu deñişmeler çerçivesinde akimiyet «mütenasip topraqta rus tilli eali ve diger milliy azlıqlar içün qoşma garantiyalarnıñ berilmesine» azır olğanını da qayd etti.
«Bu bizim deñişmeycek mevamımızdır», - dep yekün çekti o.

Mayıs 25 künü Ukrainada nevtebben tış prezident saylavları planlaştırılğan.
XS
SM
MD
LG