Link açıqlığı

Vaşingtonda 19 senator-cumhuriyetçi Ukraina ve Rusiye aqqında yañı qanun leyhasını aşkâr etti. Olarnıñ fikrince, o Obama memuriyetine ukrain ükümetine destekniñ arttırması içün işmar eter ve Rusiye ükümeti ve iqtisadiyatına nisbeten daa da qattı cezalarnıñ kirsetmesine yol berir.

«The Daily Beast» neşiri bergen malümatına köre, böyle teşebbüs Obamanıñ Ukraina ve rusiye ile bağlı siyasetinden köz qaytuvnı köstere. Yañı qanun Ukraina silâlı quvetlerine silânı bermege ve Rusiye memurları, bank ve şirketlerine, şu cümleden «Gazprom» ve «Rosneft» nisbeten qattı cezalarnıñ kirsetüvine imkân berecek. Qanun leyhasınıñ qabul etilüvine senatnıñ çetel işler boyunca komitetinde üyken cumhuriyetçi Bob Соrker teşebbüs ile buyurdı. Onıñ müellifdeşleri Mitch McConnell ve John McCain oldı, dep bildire Radio Svoboda.

Eger de Rusiye Şarqiy Ukrainadaki areketlerini toqtatmasa ve öz ordunı sıñırlardan almasa, Rusiyeniñ büyük şirketlerine: «Sberbank», «Bank VTB», «Vneşekonombank», «Gazprombank», «Gazprom», «Novatek», «Rosneft" ve «Rosoboroneksport»qa nisbeten yañı cezalar kirsetile bile.
XS
SM
MD
LG