Link açıqlığı

«Hizb ut-Tahrir» Qırım islâm teşkilâtı firqanıñ Rusiyede areketi yasaq olğanına baqmаdаn, öz işine yarımadada devam etecektir.

Bunı Qırım.Aqiqatqa «Hizb ut-Tahrir» ukrain ofisiniñ başı Fazıl Amzayev bildirdi.

«Qırım işğali yañı çаğıruvnı meydanğa ketirdi, o, şübesiz, diqqatqa alınacaq ve oña nisbeten mütenasip cevap berilecek. «Hizb ut-Tahrir» – halqara teşkilâttır, o çoq memleketlerde işini alıp bara, Rusiyede de, yasaqqa baqmadan. Şunıñ içün «Hizb ut-Tahrir" öz faaliyetini Qırımda da devam etecek», – dedi o.

Bunıñnen beraber, «Hizb ut-Tahrir» nasıl bir faaliyet ile oğraşaycağını o bildirmedi.

«Yañı kerçekte faaliyetimizniñ inceligini belli sebeplerden aydınlatmaycam. Faqat, «Hizb ut-Tahrir» – cebirsiz siyasiy islâm firqasıdır, o iç bir şaraitlerde zorbalıqqa berilmecek. Qırım musulmanları, em de yarımadanıñ bütün ealisi bizim 20 yıl devamında etilgen barışıq faaliyetimizniñ şaatları ola. Bizim tınç tabiatımız iç bir vaziyette deñişmeycek», – dedi Amzayev.

Evlleri Qırımnınıñ «Rusiye akimiyeti» yarımadada «Hizb ut-Tahrir»niñ faaliyetini toqtatmaq vade ete ediler.

Firqa resmiy olaraq Ukrainada qayd etilgen. Rusiyede ise onı «ekstremist» sırasına kirsettiler.
XS
SM
MD
LG