Rusiye istihbaratı Qırımğa kelgen ukrainlilerni öz tarafına çekip, Aqyardaki arbiy bazada cenkâver azırlıqnı alıp bara edi.
Bunı Ukraina havfsızlıq hızmetiniñ matbuat-hızmeti bildire.
Ukraina havfsızlıq hızmeti çetel istihbaratqa çalışqan Ukraina sakinine nisbeten Ukraina Cinaiy kodeksiniñ 111 madde (devlet hainligi) ve 294 madde 1-nci qısım (kütleviy tertipsizlikler) boyunca cinaiy taqiqat başladı.
Taqiqat çerçivesinde yaqalanğan insan bu sene aprel ayında Qırımğa kelgende Rusiye Federatsiyasınıñ Silâlı Quvetleriniñ Baş İstihbarat İdaresiniñ Baş Ştabınıñ hızmetçisi ile tutulğanını bildirdi. Onıñ aytqanı kibi, er bir istegen şahıs kelip Qırım «halq imayesi» sırasına kirip, ileride Kefe civarındaki deñiz piyade merkezinde talimni keçe bile edi. Qanunsız silâlı taqımlarğa qoşulğan Ukraina vatandaşları künde 100 grivna, arbiy azırlığı olğan insanlar ise daa da çoq para ala edi.
«İşbu merkezde Ukraina ve Rusiye Federatsiyasınıñ vatandaşları azırlıq köre edi. Olarnı Ukraina toprağında diversion areketlerni amelge keçirmek içün azırlay ediler. Talimni Rusiye arbiy quvetleriniñ hızmetçileri keçire edi», – dep bildire Ukraina havfsızlıq hızmeti matbuat-hızmeti.
Çetel mahsus hızmetiniñ vazifelerini eda etken vatandaş 10 insandan ibaret olğan gruppa erkânında aprel 6-dan 8-gece Harkov vilâyetinde separatist areketlerinde iştirak ete edi.
Bunı Ukraina havfsızlıq hızmetiniñ matbuat-hızmeti bildire.
Ukraina havfsızlıq hızmeti çetel istihbaratqa çalışqan Ukraina sakinine nisbeten Ukraina Cinaiy kodeksiniñ 111 madde (devlet hainligi) ve 294 madde 1-nci qısım (kütleviy tertipsizlikler) boyunca cinaiy taqiqat başladı.
Taqiqat çerçivesinde yaqalanğan insan bu sene aprel ayında Qırımğa kelgende Rusiye Federatsiyasınıñ Silâlı Quvetleriniñ Baş İstihbarat İdaresiniñ Baş Ştabınıñ hızmetçisi ile tutulğanını bildirdi. Onıñ aytqanı kibi, er bir istegen şahıs kelip Qırım «halq imayesi» sırasına kirip, ileride Kefe civarındaki deñiz piyade merkezinde talimni keçe bile edi. Qanunsız silâlı taqımlarğa qoşulğan Ukraina vatandaşları künde 100 grivna, arbiy azırlığı olğan insanlar ise daa da çoq para ala edi.
«İşbu merkezde Ukraina ve Rusiye Federatsiyasınıñ vatandaşları azırlıq köre edi. Olarnı Ukraina toprağında diversion areketlerni amelge keçirmek içün azırlay ediler. Talimni Rusiye arbiy quvetleriniñ hızmetçileri keçire edi», – dep bildire Ukraina havfsızlıq hızmeti matbuat-hızmeti.
Çetel mahsus hızmetiniñ vazifelerini eda etken vatandaş 10 insandan ibaret olğan gruppa erkânında aprel 6-dan 8-gece Harkov vilâyetinde separatist areketlerinde iştirak ete edi.
