Link açıqlığı

Belli alim Viktor Gankeviç vefat etti


Аprel 29 künü Tavriya milliy universitetiniñ professorı, çoq yıllar devamında tarih ilimi oğrunda çalışqan Viktor Yüryeviç Gankeviç vefat etti.

Onıñ mukâfatları: o QMC stipendiatı, Ukraina Prezidenti stipendiatı, İ.Gasprinskiy adına mukâfat laureatı, Al Buhari imamnıñ nesili içün Aziz Saud al-Babtin mukâfat laureatı (Saudiy Arabistan 2000s),12 tarih ilim namzetini azırladı.

O Herson vilâyetinde doğıp, Aqmescitke, universitetke kirmek içün, 1985 senesi keldi – onıñ Qırım tarihına qoşqan issesi pek qıymetlidir.

Onıñ eñ sevimli mevzulardan birisi, qırımtatar halqının tarihı ve qırımtatar halqınıñ belli maarifi İsmail Gasprinskiyniñ ömür ve faaliyetidir.

Viktor Yüryeviçniñ işleri qırımtatar halqınıñ tarih ve medeniyetiniñ çeşit ceetlerini qaplay. Professor – «İslam v Krımu: Öçerki istorii funktsionirovaniya musulmanskih institutov», «Іsmaїl Gasprinskiy - mіskiy golova Bahçisarayu» ve Qırım ve Ukraina tarihına bağışlanğan daa nice kitaplarnıñ müellifdeşi edi. Viktor Yüryeviç halqara ilmiy dairelerde Gasprinskiyniñ faaliyetinen oğraşqan alim kibi belli edi.
XS
SM
MD
LG