Link açıqlığı

Saatnıñ esas haberi

İşğal olunğan Qırımğa Rusiyeden yaqarlıqnı Ukraina bayrağı altında ketireler


Keriç balıq limanında alâ daa Ukraina bayrağı altında bir buksir çalışmaqta.

«Krab» buksiri Keriç balıq limanına «Conro Trader» muazzam paromnıñ keçirüvini becere eken.

Aynı «Conro Trader» paromı Krasnodar diyarından benzovozlarnı ketire. Olarnıñ vastası ile Qırımğa Rusiye Federatsiyasından yaqarlıq ketirile.

Qırım.Aqiqat mühbiriniñ aytqanı kibi, buksirde yelpiregen sarı-mavı tüste bayraq Keriç yalısındaki insanlarnıñ diqaqatını celp etmekte.

Kimdir buksirni sızğıruv ile ozğara, kimdir, aksine, külip, ellerini sallay.

Qırım işğalinden soñ yerli «akimiyetiniñ» vadelerinden biri – yarımadada benzin fiyatınıñ eksiltüvi ve Rusiyedeki orta fiyatına yaqınlaştıruvı – yani 1 litr içün 31-35 ruble. Yaqarlıqnı parom ile Rusiyeden ketirmege başladılar, amma vade etilgen fiyatlar daa yoqtır.
XS
SM
MD
LG