Link açıqlığı

Rusiye Qırım mabusleriniñ aqlarını nezaret etecek


Qırımda apıshanelerde mabusleriniñ aqlarını bozulmaması içün regional cemaat nezaret komissiyanı yaratmağa közde tutula.

Bu aqta Qırım «ükümeti»niñ matbuat hızmeti bildire.

Olar bildirgenine köre, böyle qarar Qırımnıñ vitse-«baş naziri» Mihail Şeremetniñ mahbusleriniñ aqlarını qorçalav içün iş gruppasınen körüşüvinde alınğan.

İş gruppanıñ bügün Qırım aspıshanelerniñ yolbaçılarınen körüştü.

Şeremetnıñ sözlerine köre, körüşüvniñ maqsadı Qırımda efektiv çalışqan cemaat nezaretini qurtmaqtır.

«Bizim başqa regionlardaki işdeşlerimiz bu meselede tecirbeliler. Biz olarnıñ tecirbelerni qullanmağa isteymiz ve yardımları içün minnetdarmız», - dedi o.

Mabuslerniñ aqlarını qorçalamaq içün iş gruppanıñ reisi işbirlikke azır olğanını bildirdi.

«Biz Qırımdaki ve Aqyardaki Federal Cezalav hızmetinen konstruktiv işbirlek yapmağa isteymiz. Bu işbirlik çerçivesinde biz çoq problemlerimizni çeze bilemiz. Bizim esas maqsadımız bozmalarnı qıdırıp seslendirmek degildir, maqsadımız – apıshanelerde mabuslerniñ aqlarını bozmamaq içün şarait yaratmaqtır», – dedi Oseçkin.

«Qırım Cumhuriyetiniñ ve Aqyarnıñ Federal cezalama hızmetiniñ» reis vazifesini vaqtınce eda etken Yüriy Şokur öz tarafından bu teşebbüslerge qol tutmağa azırlikni bildirdi.

«Bügünge hızmetimizde islâat devam ete. Şimdi tek Qırım Cumhuriyeti ve Aqyardaki Federal cezalama hızmeti yaratıldı. Biz cemaat nezaret komissiyalarnen işbirlik qurmaq içün ameliy ve metodik yardımları içün minnetdar olurmız», – dedi o.
XS
SM
MD
LG