«Aqyarnıñ qanun çıqarıcı meclisiniñ» deputatları rey bergen qanun leyhaları Moskvadan kele, olarnıñ metinlerini ise toplaşuv arfesinde elektron poçta vastasınen yollaylar.
Bunı «Sevastopolskiye novosti» bildire.
Böyleliknen, tasdıqlanacaq vesiqalarnen evelden tanış olmağa imkân yoq.
«Aqyarınıñ qanun çıqarıcı meclisiniñ» bugünki toplaşuvında yarın, aprel 30-na planlaştırılğan, sessiyanıñ kün tertibi muzakere etildi. Onıñ devamında bir qaç qanun leyhasını qabul etmege planlaştıralar: «qanun çıqarıcı meclis saylavları», «vali» saylavları, ükümet şekillendirüvi ve Aqyar devlet akimiyeti organlarınıñ icra organlarınıñ sisteması aqqında qanun leyhaları.
«Bu qanunlarnı deputatlar bile körmedi eken. Vesiqalarnı olar toplaşuv arfesinde elektron poçta vastasınen alalar, em de qanunnıñ bütün metinini oqumağa vaqıt yetmey», – dep yaza neşir.
«Aqyar kommunistleri» fraktsiyasınıñ lideri Vasiliy Parhomenkonıñ aytqanına köre, deputatlarğa şeer Nizamnamesine rey bermege rica ettiler. Vesiqa «bir sıra sualler doğurdı ve deñiştirilecek».
Yarın deputatlar böyle bir qararlar qabul etmeyip, qanun leyhalarınen yahşı tanış olmağa isteyler.
Bundan ğayrı, müellif aqqında sual peyda oldı. Deputatlarnıñ fikirince, vesiqanı qanun leyhalarınıñ müellifleri taqdim etmeli.
«Qanun çıqarıcı meclisniñ» reis muavini Aleksandr Antonenkov «bu qanunlar Rusiye Federatsiyasınıñ prezident memuriyetinde oquldı», dep bildirdi.
Neticede bu meselelerni «Qanun çıqarıcı meclisniñ» baqılmasına kirsetmege qarar alındı. Soñra olarğa birinci oquvda rey berecekler, nevbetteki sessiyada ise ekinci oquvda rey berecekler.
Bunı «Sevastopolskiye novosti» bildire.
Böyleliknen, tasdıqlanacaq vesiqalarnen evelden tanış olmağa imkân yoq.
«Aqyarınıñ qanun çıqarıcı meclisiniñ» bugünki toplaşuvında yarın, aprel 30-na planlaştırılğan, sessiyanıñ kün tertibi muzakere etildi. Onıñ devamında bir qaç qanun leyhasını qabul etmege planlaştıralar: «qanun çıqarıcı meclis saylavları», «vali» saylavları, ükümet şekillendirüvi ve Aqyar devlet akimiyeti organlarınıñ icra organlarınıñ sisteması aqqında qanun leyhaları.
«Bu qanunlarnı deputatlar bile körmedi eken. Vesiqalarnı olar toplaşuv arfesinde elektron poçta vastasınen alalar, em de qanunnıñ bütün metinini oqumağa vaqıt yetmey», – dep yaza neşir.
«Aqyar kommunistleri» fraktsiyasınıñ lideri Vasiliy Parhomenkonıñ aytqanına köre, deputatlarğa şeer Nizamnamesine rey bermege rica ettiler. Vesiqa «bir sıra sualler doğurdı ve deñiştirilecek».
Yarın deputatlar böyle bir qararlar qabul etmeyip, qanun leyhalarınen yahşı tanış olmağa isteyler.
Bundan ğayrı, müellif aqqında sual peyda oldı. Deputatlarnıñ fikirince, vesiqanı qanun leyhalarınıñ müellifleri taqdim etmeli.
«Qanun çıqarıcı meclisniñ» reis muavini Aleksandr Antonenkov «bu qanunlar Rusiye Federatsiyasınıñ prezident memuriyetinde oquldı», dep bildirdi.
Neticede bu meselelerni «Qanun çıqarıcı meclisniñ» baqılmasına kirsetmege qarar alındı. Soñra olarğa birinci oquvda rey berecekler, nevbetteki sessiyada ise ekinci oquvda rey berecekler.
