Qırım işğal etilgen soñ, arheologik tedqiqler de havf altında qaldı. Mütehassıslarnıñ aytqanına köre, bu sene qazma işleri başlanmaması mümkün.
Yarımadanıñ bir sıra arheolok yerlerinde Ukraina studentleri çalışa edi. Şimdi ise yerli tarihçılar olarnıñ kelecegine ümüt etmeyler.
«Er yıl bizge em ukrain, em rus atiqiyatçıları kelgen edi. SSSR vaqıtlarından berli Qırımda Moskva ve Sankt-Peterburg arheologik taqımları çalıştı. Bese-belli, ukrain zenaatdaşlarımız kelmeycek. Lâkin rusiyeliler de işke başlamağa azır olğanını tasdıqlamadılar: keçici müddet, suv problemleri», – dep bildirdi «Qırım.Aqiqat» haber agentligine Qırım qoruğınıñ hadimlerinden biri.
Alimlerniñ aytqanına köre, bu sene arheologik yerler tolusınen maliye etilmeycek. Bundan evel masraflarnıñ bir qısmını talebelerni ameliyatqa yollağan Ukraina aliy oquv yurtları ödegen edi.
Bunıñnen beraber, yarımadada qurulacaq yol ve inşaatlar arheologik mevsimge keder ete bile. Olardan evel arheologik tedqiqler keçirile.
«Qırımda qurucılıq başlansa, bizni anda yollaycaqlar. Anda qazacaqmız, bizim işimizni ise vaqtınca bıraqmaq kerek olur. Böyle bir variant da olması mümkün» – dep qayd etti Qırım atiqiyatçısı.
Yarımadanıñ bir sıra arheolok yerlerinde Ukraina studentleri çalışa edi. Şimdi ise yerli tarihçılar olarnıñ kelecegine ümüt etmeyler.
«Er yıl bizge em ukrain, em rus atiqiyatçıları kelgen edi. SSSR vaqıtlarından berli Qırımda Moskva ve Sankt-Peterburg arheologik taqımları çalıştı. Bese-belli, ukrain zenaatdaşlarımız kelmeycek. Lâkin rusiyeliler de işke başlamağa azır olğanını tasdıqlamadılar: keçici müddet, suv problemleri», – dep bildirdi «Qırım.Aqiqat» haber agentligine Qırım qoruğınıñ hadimlerinden biri.
Alimlerniñ aytqanına köre, bu sene arheologik yerler tolusınen maliye etilmeycek. Bundan evel masraflarnıñ bir qısmını talebelerni ameliyatqa yollağan Ukraina aliy oquv yurtları ödegen edi.
Bunıñnen beraber, yarımadada qurulacaq yol ve inşaatlar arheologik mevsimge keder ete bile. Olardan evel arheologik tedqiqler keçirile.
«Qırımda qurucılıq başlansa, bizni anda yollaycaqlar. Anda qazacaqmız, bizim işimizni ise vaqtınca bıraqmaq kerek olur. Böyle bir variant da olması mümkün» – dep qayd etti Qırım atiqiyatçısı.
