Link açıqlığı

Aqyarda Rusiye üslübinde mitingni dağıtmağa tırıştılar


Bu künleri Aqyarda miting ötkergen yerli sakinler ve Rusiye politsiyasınıñ hadimleri arasında dava yüz berdi.

İnternette yerleştirilgen videoğa köre, Tavriya ve Aqyarnıñ rus teşkilâtlarınıñ koordinatsion keñeşi «Qabarcılıqqa yoq» şiarı altında miting ötkerdi. Lâkin miting ötkerilmesine Moskvada yollanılğan uquq qoruyıcılar keder etti.

Böyle etip, polis hadimi miting iştirakçilerinden tedbir ruhset alıp keçirilemi, dep soradı, soñra ise Rusiye qanunları boyunca miting qanunsız olğanını bildirdi.

Faaller ise Aqyarda keçici müddet olğanını aytıp, Rusiye Federatsiyasınıñ qanunları 2015 senesinden başlap işke tüşürilecegini bildirdiler.

Polis hadimi miting iştirakçilerini evge qaytmağa çağırdı, lâkin olar razı olmadılar. Bundan soñra olarnı militsiya bölügine davet ettiler. Amma buña da dejvap tapıldı: «Aqyar – Moskva degildir».

Rusiye Federatsiyasında, Ukrainağa köre, miting ve kütleviy toplaşuvlarnen bağlı sert bir qanunlar bar. Bunıñ kibi qanunsız tedbirlerniñ iştirakçilerini evge yollaylar ya da yaqalap cezalaylar.
XS
SM
MD
LG