Link açıqlığı

OSCE daimiy şurasınıñ toplaşuvında Rusiye eyyeti Qırımnıñ suvsız qalması meselesini köterdi.

«İnterfaks» haber etkeni kibi, bunı, Rusiye Federatsiyasınıñ teşkilât yanında daimiy reisi Andrey Kelin bildirdi.

Diplomat telefon vastasınen agentlikke öz fikirini bildirdi: «Kiyev Qırımğa suv bemegeni, - bu insan aqlarınıñ bozuvıdır, anda östürilgen bereket yoq ola bile. Umumen, çirkin bir areket».

Aytqanına köre, bu kibi sıñırlav OSCE-niñ suv ve yemeknen teminlev maddesini boza. Bu sebepten, Rusiye, OSCE-niñ iqtisadiy koordintorını mezkür problemanı ögrenmege rica etti.

Bundan evel, tanılmağan Qırımnıñ baş-naziri Sergey Aksönov, ayırı şeerlerde suv meselesi kerginleşkenini ve tarlalar qurıp qalacağını bildirgen edi. Bunda, Kiyev qabatlı olğanını qayd etti. Kiyevde ise, bunı red ettiler. Ve atta, qırım territoriyasında Şimaliy-Qırım kanalından saniyede 13,8 kubometr miqdarında suv qırslanğanını haber eteler.
XS
SM
MD
LG