Link açıqlığı

Pragada Ukrainağa qol tutmaq maqsadında numayış keçirildi


Bazar ertesi künü aqşam Pragada mahsus numayış keçirildi. Onda yerli cemaatçılıq, Aqrusiyeli, Çehiya, Slovakiya siyasetçileri iştirak etiler. Bunı Radio Svoboda bildire.

Aqrusiyeli dissident, prezident vazifesine namzet Ales Mihaleviç ukrainlilerni küçlü olmağa ve kendi mustaqilligini saqlamağa çağırdı. Rusiye basqısı aqqında rusiyeli cemaat erbabı, Çehiyada «Rus An-anesi» cemaat teşkilâtınıñ İgor Zolotarev ikâye etti.

«Sovetler Birliginiñ terkibine kirgen memleketlerni «sovetleşme» yapuvınıñ yañı dalğası ğayet havflıdır, yañı Sovet devletiniñ meydanğa kelüvine yol bermemek kerek», – dep, qayd etti Çehiya siyasetçisi, sabıq köy hocalıq naziri Milena Vitsenova.

Slovakiyalı dissident, öz devletinde «qadife iñqilâbınıñ» faal iştirakçisi Fedor Gal lâqayd olmamağa çağırdı, çünki tamam bu kibi davranış sebebinden ekinci cian cenki başlanğan edi.

Çehiyalı siyasetçi Yana Çernohova, belli alim, Pragadaki Karlov universitetiniñ sabıq rektorı M.Gampl kendi çıqışlarında ukrainanı desteklediler.

İştirakçilerniñ qollarında ukrain, gürci, aqrusiyeli, çehiyalı timsallerini, Avropa Birliginiñ bayrağını körmek mümkün oldı.
XS
SM
MD
LG