Keriç yaqarlıq stantsiyalarında fiyatlar ket-kete ucuzlaşa.
Qırım.Aqiqat mühbiri bergen malümatına köre, 1 litr benzinni 11-13 grivnağa satın almaq mümkün.
Evelleri yaqarlıq fiyatı 15 grivna edi, şunıñ içün fiyatlarnıñ eksiltilmesi duyula.
Qayd etmek kerek ki, şimdi yaqarlıqnıñ fiyatları monitorlarda Rusiye rubleleri ile kösterile.
Misal içün, aprel 28 künü «Ukrnafta» AZS-da A-95 benzin fiyatı 38,13 ruble, dizel yaqarlığı 34,10 ruble tura. Bir ay evelsi 95-nci mında 43 ruble, dizel yaqarlığı 42 ruble edi.
Qırımlılar ise benzin içün Rusiye fiyatlarnı beklemekte, olarnı aynıñ başında öz başına tayinlengen Qırım parlamentiniñ birinci baş nazir muavini Rustam Temirgaliyev vade etken edi.
Qırım memurları benzin fiyatını eskiltip, onı Rusiyeniñ orta fiyatına ketirmege vade ettiler – yani 1 litr içün 31-35 ruble.
